ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ທະນາຄານທຸລະກິດພາຍໃນ ຫຼື ຕ່າງປະເທດທີ່ມີຈຸດປະສົງເຄື່ອນໄຫວເປັນທະນາຄານດູແລຊັບ ສິນທີ່ເຮັດໜ້າທີ່ເປັນຜູ້ຮັກສາ ແລະ ຄຸ້ມຄອງຊັບສິນຂອງຜູ້ລົງທຶນ, ສະສາງ-ຊໍາລະທຸລະກໍາຫລັກ ຊັບ ຢູ່ ສປປ ລາວ

1. ເປັນທະນາຄານທຸລະກິດພາຍໃນ ຫຼື ສາຂາຂອງທະນາຄານທຸລະກິດຕ່າງປະເທດ
2. ມີຄວາມໝັ້ນຄົງທາງດ້ານການເງິນຕາມລະບຽບການທີ່ກ່ຽວຂ້ອງຂອງທະນາຄານແຫ່ງ ສປປ ລາວ ໄດ້ກຳນົດໄວ້
3. ມີລະບົບການຄຸ້ມຄອງແລະບໍລິຫານຊັບສິນ, ການກວດກາພາຍໃນ ແລະ ບໍລິຫານຄວາມສ່ຽງລວມທັງລະບົບການຕິດຕາມບັນຊີເງິນແລະບັນຊີຫຼັກຊັບທີ່ຮັບປະກັນແລະຄ່ອງຕົວ
4. ມີລະບົບສະສາງ-ຊຳລະທຸລະກຳຫຼັກຊັບທີ່ຮັບປະກັນແລະຄ່ອງຕົວທັງພາຍໃນແລະຕ່າງປະເທດ 
5. ມີລະບົບເຕັກໂນໂລຊີຂໍ້ມູນ-ຂ່າວສານເຊື່ອມໂຍງກັບພາກສ່ວນກ່ຽວຂ້ອງ ແລະ ສາມາດຮັບປະກັນຄວາມປອດໄພສູງ 
6. ມີສັນຍາຮ່ວມກັບຕະຫຼາດຫຼັກຊັບລາວ (ສູນຮັບຝາກຫຼັກຊັບ) ແລະ ບໍລິສັດຫຼັກຊັບ 
7. ຜູ້ບໍລິຫານ ແລະ ພະນັກງານຕ້ອງມີວຸດທິການສືກສາລະດັບປະລິນຢາຕີຂຶ້ນໄປ ໃນຂະແໜງການເງິນ-ການທະນາຄານ, ການບັນຊີ ຫຼື ຂົງເຂດອື່ນທີ່ກ່ຽວຂ້ອງ ແລະ ມິີປະສົບການໃນຂະແໜງການດັ່ງກ່າວ 3 ປີຂຶ້ນໄປ, ບໍ່ເຄີຍຖືກສານຕັດສິນລົງໂທດທາງອາຍາ ເປັນຕົ້ນໃນສະຖານສໍ້ໂກງຊັບ, ຍັກຍອກຊັບ, ການປອມແປງເອກະສານ, ການຮັບ ຫຼື ໃຫ້ສິນບົນ, ການສໍ້ລາດບັງຫຼວງ ຫຼື ການຟອກເງິນ ແລະ ບໍ່ເຄີຍກະທຳຜິດໃນຂະແໜງທຸລະກິດຫຼັກຊັບ
8. ມີພະແນກ ຫຼື ໜ່ວຍງານເກັບຮັກສາ ແລະ ຄຸ້ມຄອງຊັບສິນຂອງຜູ້ລົງທຶນ ຫຼື ເປັນຕົວແທນເພື່ອປົກປ້ອງສິດ ແລະ ຜົນປະໂຫຍດຂອງຜູ້ລົງທຶນ ແລະ ມີພະນັກງານວິຊາການທີ່ກ່ຽວຂ້ອງຕາມຕຳແໜ່ງງານໃນຈຳນວນເໝາະສົມ
9. ສຳລັບທະນາຄານທຸລະກິດຕ່າງປະເທດທີ່ມີຈຸດປະສົງເຄື່ອນໄຫວເປັນທະນາຄານດູແລະຊັບສິນຢູ່ ສປປ ລາວນອກຈາກມີເງື່ອນໄຂຕາມທີ່ກ່າວມາຂ້າງເທິງນີ້ແລ້ວຍັງຕ້ອງມີສັນຍາຮ່ວມກັບທະນາຄານທຸລະກິດໃດໜຶ່ງທີ່ຕັ້ງຢູ່ ສປປ ລາວ ເພື່ອເຮັດໜ້າທີ່ເປັນທະນາຄານຕົວແທນໃນການຊຳລະເງິນຫຼືຫຼັກຊັບ ແລະ ຕ້ອງມາຈາກປະເທດທີ່ອົງການຄຸ້ມຄອງຫຼັກຊັບຂອງ ສປປ ລາວ ມີສາຍພົວພັນຮ່ວມມືໂດຍການເຊັນບົດບັນທຶກຄວາມເຂົ້າໃຈຮ່ວມກັນ.
10. ມີເງື່ອນໄຂອື່ນໆຕາມການກຳນົດຂອງສຳນັກງານ ຄຄຊ

ພາຍຫຼັງໄດ້ຮັບໃບຮັບຮອງການເຄື່ອນໄຫວເປັນທະນາຄານດູແລຊັບສິນແລ້ວ ທະນາຄານດູແລ ຊັບສິນຕ້ອງປະກາດໃຫ້ມວນຊົນຊາບໂດຍຜ່ານພາຫະນະສື່ມວນຊົນຢ່າງໜ້ອຍ 5 ວັນລັດຖະການຕໍ່ເນື່ອງ ນັບແຕ່ວັນທີ່ໄດ້ຮັບໃບຮັບຮອງເປັນຕົ້ນໄປ.