ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ຜູ້ເປັນເຈົ້າຂອງແບບຜັງວົງຈອນລວມ ຊຶ່ງໝາຍເຖີງ ການຈັດວາງວົງຈອນລວມທີ່ສະແດງອອກໃນຮູບແບບສາມມິຕິໃດກໍຕາມຊຶ່ງຢ່າງໜ້ອຍມີສ່ວນປະກອບໜຶ່ງທີ່ໃຊ້ການໄດ້ ແລະ ສ່ວນເຊື່ອມຕໍ່ບາງສ່ວນ ຫລື ທັງໝົດຂອງວົງຈອນລວມ ຫລື ການຈັດວາງວົງຈອນລວມ ໃນຮູບແບບສາມມິຕິເຫລົ່ານັ້ນເຮັດຂຶ້ນມາເພື່ອວົງຈອນລວມ ທີ່ມີຈຸດປະສົງສໍາລັບການຜະລິດ ແລະ ເຈົ້າຂອງຕ້ອງການໄດ້ຮັບການປົກປ້ອງສິດເໜືອ ແຜນຜັງວົງຈອນລວມດັ່ງກ່າວໃນ ສປປ ລາວ

ບຸກຄົນທີ່ມີສິດໄດ້ຮັບການປົກປ້ອງສິດ ມີດັ່ງນີ້: 
(i) ເປັນພົນລະເມືອງລາວ ຫລື ຜູ້ທີ່ມີທີ່ຢູ່ອາໄສ ຢູ່ ສປປ ລາວ ຫລື ນິຕິບຸກຄົນ ຫລື ການຈັດຕັ້ງທີ່ສ້າງຕັ້ງຂຶ້ນ ພາຍໃຕ້ກົດໝາຍຂອງ ສປປ ລາວ; 
(ii) ບຸກຄົນທີ່ມີສັນຊາດ ຫລື ມີທີ່ຢູ່ອາໄສຢູ່ ປະເທດໃດໜຶ່ງ ຊຶ່ງເປັນພາຄີຂອງສົນທິສັນຍາປາຣີ ຫລື ຂໍ້ຕົກລົງສາກົນອື່ນ ກ່ຽວກັບ ການປົກປ້ອງຊັບສິນອຸດສາຫະກໍາ ທີ່ ສປປ ລາວ ເຂົ້າຮ່ວມເປັນພາຄີ; 
(iii) ບຸກຄົນ, ນິຕິບຸກຄົນ ຫລື ການຈັດຕັ້ງ ທີ່ມີສະຖານທີ່ດໍາເນີນການຄ້າ ແລະ ອຸດສາຫະກໍາຕົວຈິງ ແລະ ມີປະສິດທິຜົນ ຢູ່ໃນອານາເຂດຂອງປະເທດໃດໜຶ່ງ ທີ່ເປັນພາຄີຂອງ ສົນທິສັນຍາປາຣີ ຫລື ຂໍ້ຕົກລົງສາກົນອື່ນ ກ່ຽວກັບ ການປົກປ້ອງຊັບສິນອຸດສາຫະກໍາ ທີ່ ສປປ ລາວ ເຂົ້າຮ່ວມເປັນພາຄີ

- ເງື່ອນໄຂສິ່ງທີ່ຈະໄດ້ຮັບໃບຢັ້ງຍືນແບບຜັງວົງຈອນລວມ ຄື 
1) ຕ້ອງເປັນແບບຜັງຕົ້ນສະບັບ ທີ່ບໍ່ຄືຂອງຄົນອື່ນ ທີ່ເກີດຈາກສະຕິປັນຍາ ຂອງຜູ້ປະດິດສ້າງ ແລະ ເປັນສິ່ງທີ່ໂດດເດັ່ນ ໃນວົງການນັກສ້າງແບບຜັງ ແລະ ຜູ້ຜະລິດວົງຈອນລວມ; 
2) ເປັນແບບຜັງ ທີ່ມີການປະສານກັນ ລະຫວ່າງ ສ່ວນປະກອບ ແລະ ສ່ວນເຊື່ອມຕໍ່ ຊຶ່ງໂດຍທົ່ວໄປແລ້ວຈະຕ້ອງໄດ້ຮັບການປົກປ້ອງ ໂດຍສະເພາະໃນກໍລະນີ ທີ່ມີການຕອບສະໜອງເງື່ອນໄຂຂອງຂໍ້ 1; 
3) ຍື່ນຄໍາຮ້ອງຂໍຈົດທະບຽນ ກ່ອນວັນທີ່ນໍາເອົາແບບຜັງວົງຈອນລວມໄປສະແຫວງຫາຜົນປະໂຫຍດທາງການຄ້າໃນທົ່ວໂລກ ໂດຍເຈົ້າຂອງສິດ ຫຼື ພາຍໃນກໍານົດເວລາ ສອງ ປີ ນັບແຕ່ວັນທີ່ໄດ້ສະແຫວງຫາຜົນປະໂຫຍດເປັນຕົ້ນໄປ (ມາດຕາ 17, ກົດໝາຍວ່າດ້ວຍຊັບສິນທາງປັນຍາ)

- ບຸກຄົນ, ນິຕິບຸກຄົນ ຫລື ການຈັດຕັ້ງ ທີ່ຢູ່ຕ່າງປະເທດ ຊຶ່ງມີຈຸດປະສົງຂໍຈົດທະບຽນຊັບສິນທາງປັນຍາ ຢູ່ ສປປ ລາວ ຕ້ອງໄດ້ມີຕົວແທນທີ່ຖືກຕ້ອງຕາມກົດໝາຍ ຢູ່ ສປປ ລາວ ເພື່ອດໍາເນີນທຸລະກໍາທີ່ກ່ຽວຂ້ອງກັບວຽກງານຊັບສິນທາງປັນຍາ ຢູ່ ສປປ ລາວ  
- ສໍານວນຄໍາຮ້ອງຂໍຈົດທະບຽນ ແລະ ເອກະສານຄັດຕິດອື່ນໆ ສາມາດເຮັດເປັນພາສາລາວ ຫລື ອັງກິດກໍ່ໄດ້. ຖ້າວ່າ ຄໍາຮ້ອງຂໍ ຫລື ເອກະສານ ທີ່ໄດ້ເຮັດເປັນພາສາອັງກິດ, ຕ້ອງຍື່ນສະບັບແປ ເປັນພາສາລາວ ໂດຍໄດ້ຮັບການຢັ້ງຢືນຄວາມຖືກຕ້ອງ ພາຍໃນ 90 ວັນຫລັງຈາກວັນໄດ້ຍື່ນຄໍາຮ້ອງຂໍ
- ເງື່ອນໄຂສິ່ງທີ່ຈະໄດ້ຮັບໃບຢັ້ງຍືນແບບຜັງວົງຈອນລວມ ຄື 
1) ຕ້ອງເປັນແບບຜັງຕົ້ນສະບັບ ທີ່ບໍ່ຄືຂອງຄົນອື່ນ ທີ່ເກີດຈາກສະຕິປັນຍາ ຂອງຜູ້ປະດິດສ້າງ ແລະ ເປັນສິ່ງທີ່ໂດດເດັ່ນ ໃນວົງການນັກສ້າງແບບຜັງ ແລະ ຜູ້ຜະລິດວົງຈອນລວມ; 
2) ເປັນແບບຜັງ ທີ່ມີການປະສານກັນ ລະຫວ່າງ ສ່ວນປະກອບ ແລະ ສ່ວນເຊື່ອມຕໍ່ ຊຶ່ງໂດຍທົ່ວໄປແລ້ວຈະຕ້ອງໄດ້ຮັບການປົກປ້ອງ ໂດຍສະເພາະໃນກໍລະນີ ທີ່ມີການຕອບສະໜອງເງື່ອນໄຂຂອງຂໍ້ 1; 
3) ຍື່ນຄໍາຮ້ອງຂໍຈົດທະບຽນ ກ່ອນວັນທີ່ນໍາເອົາແບບຜັງວົງຈອນລວມໄປສະແຫວງຫາຜົນປະໂຫຍດທາງການຄ້າໃນທົ່ວໂລກ ໂດຍເຈົ້າຂອງສິດ ຫຼື ພາຍໃນກໍານົດເວລາ ສອງ ປີ ນັບແຕ່ວັນທີ່ໄດ້ສະແຫວງຫາຜົນປະໂຫຍດເປັນຕົ້ນໄປ (ມາດຕາ 17, ກົດໝາຍວ່າດ້ວຍຊັບສິນທາງປັນຍາ)