ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ບຸກຄົນ, ຫຼື ນິຕິບຸກຄົນ ທີ່ມີຈຸດປະສົງສ້າງຕັ້ງ ແລະ ດໍາເນີນທຸລະກິດທ່ອງທ່ຽວ ເຊິ່ງຈະບໍລິການນຳທ່ຽວໃຫແກ່ນັກທ່ອງທ່ຽວ ດ້ວຍການສ້າງລາຍການທ່ອງທ່ຽວ, ຮັບສົ່ງ ແລະ ບໍລິການນັກທ່ອງທ່ຽວ

1. ມີທຶນຈົດທະບຽນ 1,600,000,000 ຫຼື ທຽບເທົ່າ 200,000 ໂດລາສະຫະລັດຕ່ຳສຸດ
2. ມີສຳນັກງານທີ່ເປັນຂອງຕົນເອງ ຫຼືເຊົ່າ
3. ມີພື້ນຖານວັດຖຸເຕັກນິກການສື່ສານທາງໄກຄື: ໂທລະສັບສອງໜ່ວຍ ຫຼື ຫຼາຍກວ່າ, ໂທລະສານ ຫຼື ໂທລະພິມໜຶ່ງຊຸດ ຫຼື ຫຼາຍກວ່າ
4. ມີພາຫະນະຂົນສົ່ງບໍລິການສອງຄັນຢ່າງໜ້ອຍ ສາມາດບັນຈຸໄດ້ແຕ່ 12-17 ບ່ອນນັ່ງໜຶ່ງຄັນ, 17 ບ່ອນນັ່ງຂຶ້ນໄປ 1 ຄັນ
5. ພາຫະນະຂົນສົ່ງທຸກຊະນິດ (ນັບທັງເຮືອ) ທີ່ນຳໃຊ້ບໍລິການນັກທ່ອງທ່ຽວ ຕ້ອງຮັບປະກັນມາດຖານທາງດ້ານເຕັກນິກ, ມີປະກັນໄພທາງແພ່ງຕໍ່ຊີວິດຊັບສິນຂອງນັກທ່ອງທ່ຽວທັງພາຫະນະຂົນສົ່ງ
6. ມີແຜນການລົງທຶນສ້າງສິ່ງທີ່ເປັນເອກະລັກຂອງລາວ ແລະ ໃນຊ່ວງໄລຍະ 2 ປິຊ້າສຸດຕ້ອງລົງມືປະຕິບັດ
7. ສ້າງລາຍການທ່ອງທ່ຽວຕາມຂອບເຂດຮັບຜິດຊອບ ແລະ ການເຄື່ອນໄຫວຂອງຕົນຈຳນວນ 5 ລາຍການຢ່າງໜ້ອຍ ແລະ ຢູ່ໃນແຫຼ່ງທ່ອງທ່ຽວທີ່ລັດຖະບານອະນຸຍາດຢ່າງເປັນທາງການ
8. ຕ້ອງມີພະນັກງານທີ່ມິລະດັບຄວາມຮູ້ທາງການເມືອງ, ເສດຖະກິດສັງຄົມ ແລະ ວິຊາສະເພາະທີ່ກ່ຽວຂ້ອງ, ເຊິ່ງ 2/3 ຕ້ອງສາມາດປາກ ແລະ ຂຽນພາສາຕ່າງປະເທດໄດ້ຕ່ຳສຸດໜຶ່ງພາສາ
9. ມີຫົວໜ້າ ຫຼື ຜູ້ຈັດການບໍລິສັດທີ່ມີບົດຮຽນ, ປະສົບການ ແລະ ຄວາມຊຳນາໃນການເຄື່ອນໄຫວດຳເນີນທຸລະກິດທ່ອງທ່ຽວ, ສາມາດປາກ ແລະ ຂຽນພາສາຕ່າງປະເທດຢ່າງໜ້ອຍ 2 ພາສາ, ໃນນັ້ນໜຶ່ງພາສາຕ້ອງເປັນພາສາອັງກິດ
10. ມີພະນັກງານນຳທ່ຽວທີ່ຕ້ອງຈົບຂັ້ນອຸດົມຕ່ຳສຸດ, ສາມາດປາກ ແລະ ຂຽນພາສາຕ່າງປະເທດໄດ້ດີຢ່າງໜ້ອຍໜຶ່ງພາສາ (ຝຣັ່ງ ຫຼື ອັງກິດ), ຜ່ານການອົບຮົມວິຊາການທ່ອງທ່ຽວຢູ່ພາຍໃນ ຫຼື ຕ່າງປະເທດ (ຈັດຂຶ້ນໂດຍອົງການກ່ຽວຂ້ອງ ແລະ ມີໃບປະກາດສະນີຍະບັດຢັ້ງຢືນຖືກຕ້ອງ)