ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ນິຕິບຸກຄົນ ທີ່ມີຈຸດປະສົ່ງລົງທຶນພັດທະນາ ເຂດເສດຖະກິດພິເສດ ທີ່ລັດຖະບານກໍານົດສ້າງຕັ້ງຂຶ້ນ ຊຶ່ງແມ່ນ ເຂດທີ່ມີກົນໄກຄຸ້ມຄອງບໍລິຫານສະເພາະ ເພື່ອສ້າງເງື່ອນໄຂໃຫ້ແກ່ ການລົງທຶນ ປະກອບມີ ນິຄົມອຸດສາຫະກໍາ, ການຜະລິດແປຮູບວັດຖູດິບ, ການແປຮູບວັດຖຸເຄິ່ງສຳເລັດຮູບ, ອຸດສາຫະກໍາປຸງແຕ່ງເພື່ອສົ່ງອອກ, ການພັດທະນາເຕັກໂນໂລຊີ ແລະ ຂໍ້ມູນຂ່າວສານ, ການບໍລິການ, ການຄ້າ, ການທ່ອງທ່ຽວ, ໂຮງແຮມ ແລະ ການບັນເທີງ, ອະສັງຫາລິມະຊັບ, ສູນການຄາທັນສະໄໝ, ການບໍລິການຂົນສົ່ງ, ການທະນາຄານ ແລະ ການເງິນ.

1. ຜູ້ຮ້ອງຂໍຕ້ອງມີຖານະເປັນນິຕິບຸກຄົນ; 
2. ຜູ້ຮ້ອງຂໍຕ້ອງມີຖານະທາງການເງິນທີ່ເຂັ້ມແຂງ ໂດຍໄດ້ຮັບການກວດກາ ແລະ ຢັ້ງຢືນຈາກສະຖາບັນການເງິນພາຍໃນ ຫຼື ຕ່າງປະເທດ ທີ່ເຊື່ອຖືໄດ້; 
3. ຜູ້ຮ້ອງຂໍຕ້ອງມີປະສົບການ ແລະ ໄດ້ຮັບຜົນສຳເລັດ ໃນການດຳເນີນທຸລະກິດ ໂດຍມີການຢັ້ງຢືນຈາກອົງການທີ່ກ່ຽວຂ້ອງ; 
4. ຜູ້ຮ້ອງຂໍຕ້ອງບໍ່ເຄິຍຖືກສານຕັດສິນໃຫ້ລົ້ມລະລາຍ ແລະ ບໍ່ເຄີຍຖືກລົງໂທດຕັດອິດສະຫຼະພາບ ຍ້ອນການກະທຳຜິດໂດຍເຈດຕະນາ.

ສ່ວນຫຼາຍກິດຈະການທີ່ດຳເນີນພາຍໃນເຂດເສດຖະກິດພິເສດ ແມ່ນກິດຈະການທີ່ບໍ່ນອນໃນບັນຊີຄວບຄຸມ. ສຳລັບ ກິດຈະການທີ່ຢູ່ໃນບັນຊີຄວບຄຸມ ທີ່ຕ້ອງການດຳເນີນພາຍໃນເຂດຕ້ອງໄດ້ຮັບອະນຸຍາດຈາກຂະແໜງການທີ່ກ່ຽວຂ້ອງຢ່າງຖືກຕ້ອງກ່ອນ ຈຶ່ງຈະສາທາດດຳເນີນການໄດ້ ເຊິ່ງອາຍຸການສ້າງຕັ້ງເຂດເສດຖະກິດພິເສດໃນຂັ້ນເລີ່ມຕົ້ນມີດັ່ງນີ້:
1. ກະຊວງແຜນການ ແລະ ການລົງທຶນ ຈະໄດ້ເຊັນບົດບັນທຶກຄວາມເຂົ້າໃຈກັບ ຜູ້ພັດທະນາເຂດ ເພື່ອໃຫ້ດໍາເນີນການສໍາຫລວດພື້ນທີ່, ສຶກສາຂໍ້ມູນ ແລະ ສ້າງເອກະສານປະກອບລະອຽດ ເພື່ອໃຫ້ພິຈາລະນາຮັບຮອງອະນຸມັດການລົງທຶນ ໃຫ້ສໍາເລັດ ພາຍໃນໄລຍະເວລາ ບໍ່ເກີນ 18 ເດືອນ; 
2. ນິຕິບຸກຄົນທີ່ໄດ້ຮັບອະນຸຍາດໃຫ້ພັດທະນາເຂດເສດຖະກິດ ຕ້ອງໄດ້ສ້າງຕັ້ງບໍລິສັດ ເພື່ອດໍາເນີນໂຄງການ ແລະ ສໍາລັບທົນຈົດທະບຽນ ແລະ ການນໍາເຂົ້າທຶນ ໃຫ້ປະຕິບັດຕາມ ກິດຈະການສໍາປະທານ ທີ່ໄດ້ກໍານົດໄວ້ໃນ ກົດໝາຍວ່າດ້ວຍ ການສົ່ງເສີມການລົງທຶນ