ຖານຂໍ້ມູນດ້ານລະບຽບການຂໍອະນຸຍາດດຳເນີນທຸລະກິດ

ນິຕິບຸກຄົນ ທີ່ຕ້ອງການຂໍໃບອະນຸຍາດດໍາເນີນທຸລະກິດດັ່ງກ່າວ ຕ້ອງມີເງື່ອນໄຂ ດັ່ງນີ້:
1. ມີຖານະເປັນນິຕິບຸກຄົນ ຕາມກົດໝາຍ;
2. ມີທຶນຈົດທະບຽນ ສອງຮ້ອຍລ້ານ ກີບ ຂຶ້ນໄປ;
3. ປະກອບເອກະສານຄົບຖ້ວນ ຕາມທີ່ກໍານົດໄວ້ໃນ ມາດຕາ 20 ຂອງຂໍ້ຕົກລົງສະບັບນີ້;
4. ມີທີ່ຕັ້ງສຳນັກງານ.

ເອກະສານ ຄຳຮ້ອງ ສະເໜີຂໍໃບອະນຸຍາດດໍາເນີນທຸລະກິດ ມີດັ່ງນີ້:
1. ຄຳຮ້ອງຂໍດຳເນີນທຸລະກິດ ຕາມແບບພິມ ທີ່ ກົມຄຸ້ມຄອງທຸລະກິດການທ່ອງທ່ຽວ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ກຳນົດ ໜຶ່ງ ໃບ;
2. ສຳເນົາ ໃບທະບຽນວິສາຫະກິດ ແລະ ຊຸດຄຳຮ້ອງແຈ້ງຂຶ້ນທະບຽນວິສາຫະກິດ;
3. ຮູບຖ່າຍເຈົ້າຂອງວິສາຫະກິດ ຂະໜາດ 3x4 ຊມ ພື້ນສີຂາວ ຈໍານວດ ສອງ ໃບ.

ການຂໍອະນຸຍາດສ້າງຕັ້ງ ແລະ ດໍາເນີນທຸລະກິດບໍລິການສົ່ງເສີມສຸຂະພາບ ແມ່ນຂະແໜງ ຖວທ ເປັນຜູ້ພິຈາລະນາໃນການອອກອະນຸຍາດ.

• ການແບ່ງຂັ້ນຄຸ້ມຄອງ 
- ຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ເມືອງ/ນະຄອນ ຄົ້ນຄວ້າ, ພິຈາລະນາ, ອະນຸມັດການດຳເນີນທຸລະກິດ ແລະ ອະນຸຍາດການສືບຕໍ່ດຳເນີນທຸລະກິດ ແຕ່ລະປະເພດ ທີ່ມີທຶນຈົດທະບຽນ ສອງຮ້ອຍ ລ້ານກີບ ຂຶ້ນໄປ ແລະ ຕໍ່າກວ່າ  ສາມຮ້ອຍ ລ້ານກີບ ລົງມາ;
- ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ແຂວງ/ນະຄອນຫຼວງ ຄົ້ນຄວ້າ, ພິຈາລະນາ, ອະນຸມັດການດຳເນີນທຸລະກິດ ແລະ ອະນຸຍາດການສືບຕໍ່ດຳເນີນທຸລະກິດ ແຕ່ລະປະເພດ ທີ່ມີທຶນຈົດທະບຽນສູງກວ່າ ສາມຮ້ອຍ ລ້ານກີບ ຂຶ້ນໄປ ແລະ ຕໍ່າກວ່າ  ຫ້າຮ້ອຍ ລ້ານກີບ ລົງມາ;
- ກົມຄຸ້ມຄອງທຸລະກິດການທ່ອງທ່ຽວ ຄົ້ນຄວ້າ, ພິຈາລະນາ, ອະນຸມັດການດຳເນີນທຸລະກິດ ແລະ ການອະນຸຍາດສືບຕໍ່ດຳເນີນທຸລະກິດ ບໍລິການສົ່ງເສີມສຸຂະພາບແຕ່ລະປະເພດ ທີ່ມີທຶນຈົດທະບຽນຕັ້ງແຕ່ ຫ້າຮ້ອຍ ລ້ານກີບຂຶ້ນໄປ